Henri Çili ka ndryshuar kurs me 180 gradë kohët e fundit. Nga ‘’Basha kryeministër në 2017’’, shkrim ky i publikuar menjëherë pas zgjedhjeve të 2013, tashmë fuqimisht shprehet për një mandat të dytë të Ramës si kryeministër.
Henri Çili që prej ditës së parë ka qenë një nga kundërshtarët më të hapur të protestës së Partisë Demokratike. Që në nisje të protestës me një shkrim të gjatë të publikuar në ‘’Mapo’’ ai e shprehu qartë pozicionimin e tij.
Duket se marrëdhënia e tij e afërt me Partinë Demokratike ka ndryshuar. Ai deklaronte në shkrim se një nga tezat që mund të zgjidhte protestën ishte dhe koka e Saimir Tahirit. Lajm ky tërësisht jo i vërtetë sipas demokratëve dhe liderit Basha. Të nesërmen reagoi vetë Basha duke thënë se Çilin e kishte futur Rama për të devijuar kauzën e opozitës.
Basha vijoi më tej duke thënë se kjo mjegull krijohej nga media që qëndronin pranë pushtetit, dhe nga ana tjetër Çili përgjigjej si më poshtë:
“Nuk kishte asnjë prapavijë, të qëndrojmë te garantimi i zgjedhjeve. Ministri i Brendshëm akuzohet për kriminalizim. Diskutimi është kjo, por që çfarë garantimi shtesë duhet të marrë opozita që të shkojë në zgjedhje? Cila është alternativa? Ne jemi mësuar me çështjen e standarteve të zgjedhjeve. Standartet e zgjedhjeve kanë një rëndësi të caktuar, ato nuk mund të na privojnë për zhvillimin normal të zgjedhjeve politike. Problemi ekziston si i tërë. Unë them që po ka një bazë reale, ka një bazë reale të problemeve të ngritura nga opozita dhe nga protesta. Niveli i drogës, kriminalizimi ka një specifikë dhe kjo një specifikë mund të garantohet nga rregullore specifike. Zoti Basha ka përdorur një termë, është absurd, një akuzë e kotë. Se nuk më kontrollion kush, është një ide personale. Duhet të përqëndrohemi te krimi, trafiqet, për të grantuar palët politike në zgjedhje”.
Përplasja e tyre direkte ka ardhur vetëm mbrëmë në emisionin e Eni Vasilit ‘’Studion e Hapur’’. Tonet qenë mjaft të larta dhe akuzat larg e larg tashmë u bënë direkte.
Basha përmendi lirinë e mediave dhe i tha Çilit që është shndërruar në një oportunist dhe i përmend shkarkimin e gazetarit Alfred Lela. Nga ana tjetër, Çili jo vetëm i ka mohuar akuzat e Bashës, por është kthyer në një kundërsulm, duke e quajtur atë të painformuar.
DEBATI MBRËMË:
Basha: Nuk je më Henri Çili që njihja unë. Je bërë një opportunist, ke hequr nga puna Alfred Lelën, shantazhon pedagogët. Kur kërcënon Romeo Gurakuqin.
Çili: Je i papërgatitur, mua më vjen keq
Basha: Mua më vjen keq që të vjen keq ty
Çili: Je i papërgatitur, të gënjejnë shumë thjeshtë. Kjo është një tezë puniste, ti e ke mbushur programin me teza puniste, ndikuar nga lëvizjet e rrugës. Po deformon programin e djathtë të PD-së. Akademikët janë të lirë, shumë prej tyre janë aty.
Basha: Kam marrë vulën e Angela Merkel dhe të ekspertëve europianë dhe amerikanë.
Çili: Ke nevojë të pregatitesh si lider i opozitës. (E.K/SHUPLAKA)
