Ish-deputei i LSI-së Edmond Haxhinasto,në një interviste për Channel One, ka deklaruar se lënia e mandateve nga ana e opozitës ndonëse sipas tij një veprim i padëshiruar dhe ekstrem, ishte hapi i duhur për opozitën në mënyrë të tillë për ta çuar vendin në zgjedhje të parakohëshmme.
“Lënia e mandateve, ndonëse veprim ekstrem dhe i padëshiruar, ishe veprim i detyruar për të çuar vendin në zgjedhje të parakohshme dhe për të rigjetur legjitimitetin e institucionit të zgjedhjeve, të institucionit themelor të Republikës, Kuvendit. Pra, për të kthyer tek votuesit, tek sovrani, sovranitetin e institucionit themelor të Shtetit.
Gjithashtu Haxhinasto, është shprehur se sondazhet e fundit tregojnë qartë fitoren e opozitës, dhe rënien e mazhorancës.
Sondazhet tregojnë dhe konfirmojnë, trendin politik që tashme dihet, një humbje terreni për mazhorancën dhe rritje të opozitës. LSI qëndron si forcë e konsoliduar përcaktuese. Duke patur parasysh trendet, situata do të jetë shumë më e favorshme për opozitën në të ardhmen.
Më tej ish-deputeti ka shtuar se nëse LSI-ja, bën thirrje për pakt kombëtar nuk duhet të jetë çudi pasi sipas tij pakti kombëtar është i është i domosdoshëm për t’i kthyer legjitimitetin zgjedhjeve dhe institucioneve, për të kthyer besimin e shqiptarëve, e për të ndaluar emigrimin masiv.
Askush të mos çuditet për thirrjet e LSI për pakt Kombëtar. Është në profilin e saj. E ka bërë në momente kyçe politike edhe në të kaluarën. Pakti Kombëtar është i domosdoshëm për t’i kthyer legjitimitetin zgjedhjeve dhe institucioneve, për të kthyer besimin e shqiptarëve, e për të ndaluar emigrimin masiv”-u shpreh Haxhinasto.
Ndërkohë kujtojmë që edhe zëvendëskryetari i LSI-së Luan Rama ka hedhur idenë e një pakti kombëtar për integrimin europian të vendit (lexo këtu).
Discussion about this post