Deputetja e qarkut të Dibrës Dhurata Çupi shprehet se ky qark është në ditën më të zezë, kjo pikërisht për shkak të zgjedhjeve të pandershme me vjedhje votash dhe korrupsion.
Në një prononcim për “Shuplaka-n”, deputetja demokrate mohon edhe njëherë akuzat e mazhorancës që Partia Demokratike është kundër Vettingut, pasi Reforma në Drejtësi sipas saj është arritur të miratohet pikërisht në saj të insistimit të kësaj partie.
Sipas Çupit, vetting nuk mund të ketë me këtë qeveri e cila në gjirin e saj ka deputet me të shkuar kriminale e ministra që akuzohen për korrupsion:
“Në sajë të Partisë demokratike dhe insistimit të specialistëve më të mirë të PD-së u arrit marrëveshja e 22 korrikut, dhe ndryshimet kushtetuese sigurisht siguronin një reformë të thellë dhe shumë cilësore në Drejtësi, por PD e ka shprehur qëndrimin e vet pro vettingut, por nuk mund të ketë vetting për deputetë të inkriminuar, me ministra të akuzuar për korrupsion, për një kryeministër i akuzuar tashmë për vjedhjen e votave, kështu që shqiptarët e kuptojnë mirë. Madje qytetarët dibranë janë qyteta që e kanë patur në kurriz këtë politikë të kësaj qeverie, që iu mor vota, iu vodh vota, iu keqtrajtua vota, dhe sot Dibrën e kemi në ditën më të zezë.”, shprehet Çupi. (D.D/Shuplaka)
Discussion about this post