Është larguar nga roli drejtues i Albpetrol Endri Puka. Vendin e tij e ka zënë Kastriot Bejtaj, i cili mbante postin e Drejtorit Teknik në “Albpetrol sh.a.” . Ai është emëruar administratori i ri i shoqërisë, ndërsa Endri Puka, është larguar për t’u angazhuar në një tjetër detyrë.
Pse u shkarkua Endri Puka?
Vendimi për shkarkimin e Pukës është marrë nga grupi ndërministror i ngritur me urdhër të Kryeministrit, me arsyetimin për të studiuar skenarët më të mirë për ristrukturimin e shoqërisë.
“Zoti Bejtaj do të jetë pjesë e grupit ndërministror për ristrukturimin e Albpetrol sh.a si dhe do të udhëheqë të gjithë procesin e ristrukturimit në Albpetrol sh.a. Kastriot Bejtaj është një inxhinier me një përvoje 35 vjeçare në industrinë e naftës në Shqipëri ku ka punuar për kompani vendase dhe të huaja. Z. Bejtaj është diplomuar në vitin 1983 si Inxhinier Gjeofizike dhe po atë vit ka nisur punë në industrinë e naftës.”, thuhet në njoftimin e Albpetrol. Ai rezulton nën hetim nga prokuroria dhe kjo mund të jetë një nga arsyet e shkakrimit të tij.
Për çfarë akzuzohet Puka?
Drejtori i kompanisë publike AlbpetrolEndri Puka është zyrtarisht nën hetim nga prokuroria e Tiranës. Puka është paraqitur në prokurori më datën 19 Prill, ndërsa prokurori i çështjes i ka komnunikuar zyrtarisht veprën për të cilën dyshohet zoti Puka: Konkurencë të paligjshme nëpërmjet dhunës.
Ky hetim i nisur nga prokuroria lidhet me përplasjet mes Albpetrol dhe koncensionarit‘Phoenix’ , pasi ‘Albpetrol-i’ ka zhvatur puset e koncensionarit në mënyrë arbitrare, duke neglizhuar kërkesën e AKBN-së dhe të ministrit të Financave.
Drejtori i Albpetrolit Endri Puka, e justifikoi ndërhyrjen në puset e kompanisë private ‘Phoenix’ nëpërmjet një shkrese të ministrit Gjiknuri që e konsideronte të zhbërë marrëveshjen ndërmjet shtetit shqiptar dhe kompanisë ‘Phoenix’.
Mirëpo prokurorët kanë konstatuar një problem, pasi marrëveshja është miratuar dhe legjitimuar me vendim të Këshillit të Ministrave në vitin 2013. Ndaj dhe vetëm një vendim i Këshillit të Ministrave ose një vendim gjykate mund të zhbëjë këtë marrëveshje.(J.V/Faxweb)
Discussion about this post