Mbrëmjen e djeshme të ftuar në finalen e festivalit “Kënga Magjike” ishte edhe Presidenti Ilir Meta si edhe kreu i Bashkisë së Tiranës Erion Veliaj.
Nuk kanë munguar ngacmimet nga ana e Bes Kallakut për Metën pasi u shpreh se se “kemi një president trepalësh”. Bes Kallaku u shpreh më tej presidenti e mban mirë me PD-në e bashkëpunon me Ramën, por dhe me Monika Kryemadhin.
“Më në fund kemi një president mbi palët se pikë të dobët ka Sali Berishën, punon me qetësi me Edi Ramën dhe fle me dashuri me Monika Kryemadhin”, ka thënë Besi në “Kënga Magjike”.
Por nuk kanë munguar ngacmimet edhe për Erion Veliajn. Bes Kallaku “nuk besonte” që Veliaj ishte në sallë pasi në Facebook i dilte që ishte “në Paskuqan”. Kjo e ka vënë në siklet Veliajn i cili duke qeshur vuri dorën mbi fytyrë teksa Besi thoshte që ishte në Paskuqan.
DIALOGU I PLOTË:
Isai: Përshëndesim edhe Presidentin e Republikës, mirëmbrëma Zoti Meta!
Kallaku: Më në fund kemi një president mbi palët se pikë të dobët ka Sali Berishën, punon me qetësi me Edi Ramën dhe fle me dashuri me Monika Kryemadhin.
Isai: Faleminderit gjithë bashkisë, faleminderit kryetarit të bashkisë dhe ta përshëndesim lali Erin që e kemi në sallë.
Kallaku: Ku është?
Isai: Ja ku është.
Kallaku: Nuk është lali Eri ai.
Isai: Është lali Eri, o Ardit a është lali Eri ai?
Gjebrea: Po, po ai është.
Kallaku: Ore ja ku e ke ‘live’ në Paskuqan në Facebook. Nuk është ai…Është ‘live’ në Paskuqan dhe njëkohësisht ‘live’ tek liqeni me lopatë në dorë. Ja nuk është ai. Nuk ka mundësi.
(J.V/Faxweb)
