Fotot që kryeministri Edi Rama, ka bërë publike me djalin e tij Zahon gjithmonë kanë tërhequr vëmendjen e medieve. Kjo jo vetëm për arsye se bëhet fjalë për djalin e kryeministrit, por edhe sepse fytyra e Zahos gjithmonë mbulohet nga aparati fotografik.
Ky detaj i ka bërë përshtypje gjithmonë publikut shqiptar, që është kurioz të dijë se çfarë fshihet në fytyrën e Zahos, madje të shumtë kanë aluduar se i vogli mund të ketë ndonjë problem që kryeministri kërkon ta fshehë. Por ky nuk është aspak rasti.
Vetë Rama në një intervistë për IN TV ka rrëfyer arsyet se përse fytyra e djalit të tij të vogël nuk tregohet në fotot që ai bën publike në rrjetet e tij sociale.
“Mendoj që edhe nëse do t’ia publikoja unë një foto ballore, mediat jo të kazanit do të kujdeseshin që t’i mbulohej. Nuk mund të luash me fytyrat e fëmijëve”, janë fjalët e Ramës. (D.D/Shuplaka)
