Një grua ka hypur në katin e fundit të një pallati tek “Tirana e Re”. Mësohet se ajo ka hypur në ndërtesën që ndodhet në një kompleks pallatesh në ndërtim të zonës.
Nga informacionet e deritanishme flitet se shkak i këtij veprimi të shtetases të identifikuar si Enkeljeda Ahmetaj është bërë një konflikt për pronën mes pronarit dhe ndërtuesit të kompleksit.
Vetë vëllai i saj Ardi Ahmetaj është shprehur se ka qenë konflikti i vazhdueshëm për pronën ai që e ka çuar gruan drejt këtij akti të rëndë.
‘’Kemi një problem me pronarin e pallatit. Ne jemi pronarët e tokës. Jemi ankuar në polici, prokurori gjithandej. Dhe askush nuk ka marrë një masë. Policia na ka shoqëruar dhe na kanë bërë presion dhe lloj lloj gjërash. Ne jemi pronarët e tokës me çertifikatë, me noteri, me të gjith. Asnjë nuk ka marrë masat”, është shprehur ai mes emocioneve.
Forca të shumta policore kanë mbërritur në vendngjarje për të negociuar me gruan dhe për ta bindur atë të zbresë. Ndërkohë njëra prej motrave të gruas që tenton të hidhet është ndjerë keq dhe i ka rënë të fikët.(E.K/SHUPLAKA)
