Disa ditë më parë Hollanda i kërkoi qeverisë shqiptare rikthimin e vizave Shengen dhe kjo ka ngjallur shumë debate në vendin tonë. Por lind pyetja cilat ishin arsyet që Hollanda i kërkoi qeverisë shqiptare rikthimin e vizave?
Sjellim në vëmendje që Policia Holandeze në bashkëpunim me Prokurorinë Holandeze kanë këshilluar qeverinë për të rikthyer vizat për të gjithë shtetasit shqiptarë në zonën Shengen pasi shqiptarët atje janë problematikë.
ARSYET E KËRKESËS:
Nga qeveria hollandeze është theksuar se kriminelët shqiptarë në këtë shtet janë fuqizuar së tepërmi vitet e fundit, pasi operojnë kryesisht në trafikun e drogës, pastrim parash dhe në trafikun e qenieve njerëzore. Kjo është kthyer në një shqetësim në Holladë. Po kështu arsyeja e dytë është edhe kërkesa e lartë për azil në këtë vend pasi nuk janë të paktë azilkërkuesit shqiptarë atje.
REAGIMET:
Ditmir Bushati
Deri më tani nuk kemi një reagim nga kryeministri Rama në lidhje me këtë kërkesë por vetëm një ditë më parë ka reaguar Ditmir Bushati.
Ministri i Jashtëm është mjatuar me një status ironik për rikthimin e vizave për shqiptarët, çështje kjo e kërkuar së fundmi nga shteti hollandez.
Bushati rreth kësaj çështje kaq serioze është shprehur se “gjinkallat e dëshpëruara të 25 Qershorit po i kalojnë ethet e gushtit me klithma për kthimin e vizave”. Fjalën e ka për opozitën, pasi ajo ditët e fundit ka akuzuar qeverinë Rama për këtë kërkesë të Hollandës.
“Gjinkallat e dëshpëruara të 25 Qershorit po i kalojnë ethet e gushtit me klithma për kthimin e vizave! Shërim të shpejtë”, shprehet Bushati.
Petrit Vasili
Pas rrezikut të heqjes së vizave poër Shqipërinë, me kërkesë të autoriteteve hollandeze, Petrit Vasili ka pyetur kryeministrin Edi Rama se ku ndodhet.
Ai thotë se në sajë të keqqeverisjes së vendit dhe një nga arritjet më madhore të pluralizmit, rrezikon të zhbëhet.
Vasili vijon më tej duke thënë se Rama punët e tij i ka fjollë, pavarësisht se qindra mijëra shqiptarë vuajnë skamjen e papunësisë dhe varfërisë. (J.V/Shuplaka)
