Ditën e djeshme në komisioinin parlamentar të veprimtarive prodhuese është diskutuar për ndryshimet në ligjin “Për koncesionet dhe partneritetit publik privat”, ku përpos ndryshimeve të propozuara nga Ministria e Finanave, një draft paralel ka mbërritur në Kuvend i propozuar nga shoqëria civile.
Drafti paralele është një propozim i organizatës “EcoAlbania” dhe disa organizatave të tjera joqeveritare që synojnë mbrojtjen e mjedisit, duke io dhënë fund koncensioneve të pakërkuara.
Ndër kërkesat e parashtruara përmes propozimeve ligjore, EcoAlbania kërkon përmes draftit paralel heqjen e ofertave të pakërkura për PPP-të në sektorin e HEC-ve. I ftuar në studion e Fax News CEO i Eco Albania Olsi Nika u shpreh se në të gjitha vendet e Europës Perëndimore, praktika e ofertave të pakërkuara ka qenë e dështuar.
Nika u shpreh se me propozimet e bëra në drejtim të Ministrisë së Financave, synihet që të ketë një rol më aktiv të qytetarëve dhe të shoqërisë civile në proceset vendimmarrëse.
“Ne kërkojmë që të mos jepen më koncensione të pakërkuara për hidrocentralet, pasi dhe në botën perëndimore, është kuptuar që këto lloj koncensionesh nuk sjellin përfitime financiare. Ka kosto të fshehura pasi më pas i paguajnë konsumatorët. Ne mendojmë se duhet ngritur Këshilla dhe me ekspertë dhe me shoqërinë civile, Ministria e Financave duhet të ketë një kontroll më të madh te koncensionet.
Një tjetër pikë që ne kemi kërkuar është pjesëmarrja e shoqërisë në dëgjesat publike, dhe roli i tyre në vendimarrje. Unë mendoj se seanca e djeshme ka pasur interes, sigurisht që pjesa e koncensioneve është një pikë e nxehtë, po ka ngjallur debat dhe te deputetët. Ne nuk jemi shpresëplotë që do të merren të gjitha propozimet tonma parasysh. Një nga pikat që ne këmbëngulim më fortë është heqja e ofertës së pakërkuar.
90% e HEC-eve në vendin tonë janë dhënë me koncension përmes ofertës së pakërkuar, dhe nëse drafti ynë miratohet, atëherë ne do të shpëtonim një pjesë të mirë të HEC-eve që mund të planifikohen që të jepen në të ardhmen. Vendi ka nevojë për energji, po jo për hidrocentrale”, theksoi Nika në fjalën e tij në Fax News.
