Pse këta shqiptarë i prisnin kështu flokët, një shpjegim tronditës

Shumëkush nga ne do tronditej po të mësonte se pse këta burra shqiptarë, që në fakt janë luftëtarë, i prisnin kështu flokët para qindra vitesh.

Urbanisti Gentian Kaprata bën një shpjegim që vërtet të mban mbërthyer te mendimi se sa të guximshëm kanë qenë këta burra duke prerë flokët në formën që asokohe quhej ”Perqa”.

”Nëse fotot do ishin të plota, do shikohej se këta burra ishin të pajisur me armë. Pra ishin luftëtare, por dikush i ka prerë se nuk e ka quajtur të rëndësishme atë që në fakt shpjegon këtë ‘stil’!

Këta luftëtarë i prisnin flokët duke lënë tufa në pjesën e prapme të kokës në mënyrë që kur armiku t’i vriste të mos ua dëmtonte fytyrën ndërsa i priste kokën (shkëpuste kokën nga trungu i trupit), por ta kapte pikërisht te ato flokë të gjata.

Ky është shpjegimi dhe ai ka lidhje me funksionin jo formën!”, shkruan Kaprata.

Kaprata, i nxitur edhe nga shpërndarja e këtij fotomontazhi gjerësisht në ”Facebook” ngre shqetësimin se kjo nuk është një çështje stili dhe forme.

”16 fotot e përpunuara dhe të bëra bashkë tërheqin vëmendjen mbi modelin e prerjes së flokëve të këtyre burrave. Dhe sikurse është e kuptueshme shumë nga shpërndarësit e kësaj fotoje mundohen t’i japin shpjegim me botëkuptimin e sotëm një ngjarje të 150- 200 viteve më parë!

E vlerësojnë si një çështje stili. Pra çështje forme.Nuk kanë faj, në kohën e fasadave nga ku jemi, kërkojmë të interpretojmë edhe evente apo sekuenca nga koha e arsyes (funksionit)! Rilindja urbane ka gllabëruar mendjen tonë.”, përfundon Kaprata. (V.G/SHUPLAKA)