Arta Dade është një nga politikanet më të vjetra në Partinë Socialiste, deputete pothuajse në të gjitha legjislaturat e Parlamentit. Dade gjithashtu ka qenë pjesë e pandashme e Komsioneve të Jashtme Parlamentare.
Ndërkohë që emri i saj është lakuar së fundi edhe si një kandidate e mundshme për Presidente. Ajo padyshim që gjen një përkrahje në rradhët e Partisë së saj po ajo që është vënë re së fundi është edhe një mbështetje e shtuar nga rradhët e LSI-së.
Dade dhe Meta prej dy ditësh janë nisur në një vizitë zyrtare në Finlandë të shoqëruar edhe nga këshilltari për marrëdhëniet me jashtë të Metës, Ralf Gjoni. Ai nuk ka munguar që të ndajë edhe disa momente ku luan shah me Daden për ndjekësit në rrjetet sociale.
Po ashtu ai ka ndarë edhe surprizën që i është bërë Dades nga të rinjtë finlandezë me rastin e ditëlindjes së saj. Surprizë kjo që është shpërndarë masivisht edhe nga të rinjtë e LSI-së të cilët nuk kanë lënë mangët vlerësimet për Daden.
Kjo mbështetje pikërisht në një periudhë të tillë ku zgjedhja e Presidentit do të jetë shumë afër të shtyn të mendosh që pse jo Dade mund të jetë Presidentja e parë femër në vendin tonë.
Ja ç’ka shprehur Dade në lidhje me Presidencën:
Do ta mirëprisja që një grua të ishte në krye të shtetit sepse nuk i mungojnë Shqipërisë gra me personalitet që nuk bëjnë kompromise dhe që ngrihen mbi interesa partiake por nuk është një gjë e dhënë dhe tani duhet të rendim të gjejmë një grua. Unë do të parapëlqeja që të ishte një përfaqësues nga PS. Nëse mua më vjen propozimi nuk do të isha refuzuese nëse mendohet që mund të jem edhe për këtë detyrë (E.K/SHUPLAKA)
