”Pse nuk keni dalë nga qeveria?”, kjo ka qenë pyetja drejtuar Luan Ramës të LSI-së, tani që sulmet mes Ramës dhe LSI-së janë ashpërsuar.
”Për kohezion të qëndrimeve, jo sot, por në mënyrë konstante dhe permanente LSI ka kritikuar qeverisjen për përgjegjësinë që ajo ka për situatën kriminale të drogës në Shqipëri, siç kemi përshëndetur aksionin e Lazaratit. Jo sot, po 2 vjet përpara shkoni dhe referojuni seancave parlamentare unë personalisht por edhe të tjerë, kanë ngritur zërin dhe drejtuar gishtin te struktura shtetërore për të luftuar lëndët narkotike.
Nga kjo pikëpamje për elementë, të cilat fola nuk ndjej asnjë lloj vrarje në ndërgjegje se ia kemi thënë hapur. Ne kemi përgjegjësitë tona por nuk kemi qenë në drejtim të qeverisjes. Prandaj kërkojmë të ndryshojë drejtimi.
Nuk po e bëjmë thjesht për fushatë. Qëndrojmë në qeverisje si detyrim nga votat që burojnë nga qytetarët, jo si pjesë e tepsisë, por si përgjegjësi.”, ka qenë përgjigja e Luan Ramës për gazetaren Elona Meço.
Sekretari i Përgjithshëm i LSI-së foli edhe për festën e PS-së dhe nëse nga LSI-ja do jetë dikush i pranishëm.
”Unë si themelues i PS, dhe si një njeri që kam kontribuar bashkë për ta krijuar, ngritur dhe modernizuar atë parti do ta festoj ditën e themelimit me një grup deputetësh e anëtarësh themelues të PS për gjithë kontributin që kanë dhënë.
Mua personalisht nuk më ka ardhur ndonjë ftesë, nuk e di se çfarë ka ndodhur me anëtarë të tjerë të LSI-së”, rrëfeu Luan Rama për festën e PS-së. (V.G/SHUPLAKA)
