Ish-deputeti demokrat, Tritan Shehu ishte i ftuar në emisionin “Natë me Xhaxhiun” ku foli për aktualitetin politik në vend, kritikat që bëhen shpesh ndaj opozitës, Teatrin Kombëtar dhe integrimin e vendit. Shehu u shpreh qartë se çështja e Teatri Kombëtar ka të bëjë me një aferë korruptive dhe trajtimi i artistëve në atë mënyra nga ana e qeverisë sipas tij është e patolerueshme.
Duke iu përgjigjur pyetjes së moderatorit Rezear Xhaxhiu, se cili është plani i opozitës për zhvillimet që priten të ndodhin në Vjeshtë, Shehu tha se gjithçka do të arrihet ma bashkëpunimin e qytetarëve të thjeshtë dhe demokratëve të zakonshëm, por edhe me partnerët ndërkombëtarë.
“Plani është i qartë, zgjedhje të lira dhe të ndershme pa Edi Ramën kryeministër. Do ta bëjmë bashkë me demokratët e thjeshtë dhe me qytetarët e zakonshëm duke protestuar, duke shtuar protestën dhe komunikimin tonë me partnerët ndërkombëtarë”, tha Shehu.
Shehu argumentoi se tre janë lëvijet të cilat duhet të bëjë opozita për të fituar mbështetjen qytetare dhe ikjen e Edi Ramës nga drejtimi i qeverisë.
Pjesë nga biseda:
Çfarë do ta detyronte zotin Rama të jepte dorëheqje?
Ka shumë vende të botës që e kanë në Kushtetutë që 3 muajt e fundit krijohet rishtaz një qeverisje e përkohshme teknike për të menaxhuar zgjedhjet. Nuk është shpikja jonë, është një eksperiencë e disa vendeve demokratike në botë. Kjo qeverisje ka treguar se ka futur duart në zgjedhje, dhe këtë e treguan më 30 Qershor ku u futën në zgjedhje vetëm dhe sërish dolën fletë votimi më shumë se sa qytetarë kishin marrë pjesë.
A ka sot brenda PD-së një krizë idesh në lidershipin e saj? Sa do të vazhdoni të jeni më të vegjël në numër se sa numri i qytetarëve në oponencë me qeverinë?
Pa dyshim që opozita është më e gjerë se PD, por pa PD nuk ka opozitë shqiptare. Ajo është forca e progresit dhe e orientimit perëndimor. Dorëzimi i mandateve, beteja politike, protesta, sensilizimi i mediave botërore dhe qytetarëve shqiptar, kanë qenë disa sprova të mëdha për opozitën.
Ne kemi nevojë për dy gjëra: Zgjerimi i frymës sonë deri tek qytetari i fundit, dhe kjo ka të bëjë me proceset organizative të Partisë Demokratike që duhet të jenë më përfshirëse dhe të zgjeruara.
Së dyti, është elementi programatik i PD-së. Duhet të kalojmë në një fazë jo vetëm të politikave por edhe si do ta ndërtojmë këtë gjë. Ka edhe një element tjetër që është bashkëpunimi i fortë me komunitetin ndërkombëtar. Gjermanët janë shprehur prerë dhe të gatshëm dëshirën për zgjidhjen e krizës politike, por i vetmi që e ka mohuar ka qenë Edi Rama, pasi ka frikë në evidentimin e problemeve dhe shkeljeve të tij nga ndërkombëtarët . Në këtë rast 2000 mijëshi që na ka braktisur, jo vetëm do të rikthehet por do të na besojë edhe më fort.
Ka në partinë tuaj disa të rinjë dhe duken sikur janë të lodhur kur dalin në konferenca për shtyp, a ka PD nevojë për një hob të ri?
“Padyshim që ka nevojë gjithmonë për një ekip të ri. Unë mendoj se janë një element më i mirë për të manifestuar programet dhe objektivat tona.”
Ndërkohë lidhur me planin për ndarjen e Kosovës Shehu tha se është hedhur poshtë në dy samitet e rëndësishme që janë mbajtur së fundmi nga liderët e Europës.
“Detyra jonë si opozitë është të themi të vërtetat, të denoncojmë të vërtetat”, tha ai.
E gjithë kjo që po behet a ka për qëllim që të ikin disa oligarkë që të vijnë ca të tjerë?
Do të ishte fatkeqësia më e madhe, por unë jam i sigurt se nuk do të ndodh kështu. Dhe kjo bëhet vetëm përmes ndryshimit të rregullave të lojës.
Pse nuk ishte kushti juaj i vetëm ose parakusht vetëm nëse do të kalohej në sistem mazhoritar?
Nëse nuk ka votë të lirë dhe të ndershme nuk ka asnjë vlerë në asnjë sistem. Po bëmë të mundur që vota të shkojë aty ku e çojnë shqiptarët, dhe vetëm nëse bëhet kjo, mund të shkojmë tek ndryshimet e tjera.
Ndërkohë lidhur me procesin integrues të vendit, Shehu tha se Europa nuk mund të na pranojë pa plotësimin e disa kushtevce dhe kritereve që kanë të bëjnë sipas tij me funksionimin e shtetit ligjor (dhe këtu përmendi situatën në të cilën ndodhet momentalisht sistemi i drejtësisë), dhe funksionimi i zgjedhjeve të lira dhe demokratike.
Discussion about this post