Taulant Balla ka folur në përfundim të mbledhjes së kryetarëve në selinë e Kuvendit, ndërsa ka komentuar edhe çshtjen e lobimit të Partisë Demokratike në fushatën e vitit 2017.
Balla tha se nuk p-referonte të komentonte nëse një media e publikon apo e fshin një lajm, pasi e rëndësishme sipas tij është se çështja në fjalë është publikuar në faqen zyrtare të Departamentit Amerikan të Drejtësisë.
“Pabesueshmëria është pikërisht fakti pse mediat botërore kanë kthyer vëmendjen tek kjo çështje. Edhe media amerikane, edhe Departamenti Amerikan i Drejtësisë (DAD) publikoi në faqen zyrtare se lobuesi në emër të Lulzim Bashës i ka marrë paratë nga Partia Demokratike. Është shumë e qartë se Basha ka gënjyer publikun shqiptar. Ai thoshte më herët se 500 mijë dollarë i janë paguar nga dashamirës nga jashtë vendit, ndërkohë tani thotë se ai nuk ka paguar asnjë lekë.
Janë disa gazeta të mëdha botërore që shkruajnë për këtë gjë, që nga New York Times, Mather Jones etj. Është në nderin e PD, jo të Lulzim Bashës që PD të shpjegojë arsyen pse emri i saj gjendet në regjistrat e DAD për shifrat përkatëse dhe është e rëndësishme, që në kuadër të një refore elektorale që po ndërmarrim, duhet të forcojmë legjislacionin për financimin e partive politike. Nuk ka rëndësi e publikon një media apo e heq një media, ky është një fakt që është publikuar në faqen zyrtare të një institucioni zyrtar dhe një fakt i pakundërshtueshëm. The Times, që ka kryer një investigim të plotë, që thotë se Treiddë ka bërë pagesa në favor të PD. Se ju e dini, Basha lajmëron shepsh seanca të jashtëzakonshme, por a keni dëgjuar të thërrasë ndonjë deklaratë të jashtëzakonshme për këtë çështje”, tha Balla.
(F.GJ/FAXWEB.AL)
