Mëngjesin e sotëm policia e Kosovës ka rrethuar banesën e deputetit të Vetëvendosjes Albin Kurtit. E gjithë kjo ka ndodhur pasi Kurti është kërkuar më herët edhe në zyrat e Vetëvendosjes, por nuk është gjetur dhe policia është drejtuar për në banesën e tij.
Pse policia rrethon banesën e Albin Kurtit?
Sjellim në vëmendje që Albin Kurti, Albulena Haxhiu, Donika Kadaj – Bujupi dhe Faton Topalli pritet që të paraqiten në gjykim për hedhje të gazit në Kuvendin e Kosovës. Por gjatë gjithë seancave të zhvilluara për këtë çështje asnjëherë nuk është paraqitur deputeti Kurti. Për këtë arsye është firmorur fletëarrestimi për të nga Gjykata Themelore e Prishtinës nga e cila pritet të merret me detyrin nga policia deputeti dhe të paraqitet në seancë. Seanca e fundit lidhur me këtë rast ishte paraparë të mbahej më 10 tetor, por ishte shtyrë në mungesë të Albin Kurtit dhe Donika Kadaj-Bujupit.
Në seancën e kaluar kishte munguar edhe deputetja-dëshmitare Flora Brovina, për të cilën gjithashtu ishte lëshuar urdhëresë për sjellje me detyrim.
Theksojmë se katër deputetët e Vetëvendosjes akuzohen për përdorim të armës ose mjetit të rrezikshëm dhe pengim të personit zyrtar në kryerje të detyrës zyrtare, pra për hedhjen e gazit lotsjellës në Kuvend. (J.V/Faxweb)
