Udhëheqësi i opozitës në Korenë e Jugut është i fundit në një seri politikanësh që kanë rruar publikisht kokën në protestë kundër qeverisë, njoftoi BBC të martën.
Hwang Kyo këtë veprim e mori para mbështetësve dhe reporterëve jashtë pallatit presidencial.
Opozita po proteston kështu kundër ministrit të ri të Drejtësisë Cho Cook, familja e të cilit është përfshirë në skandale korruptimi.
Për të njëjtën arsye, dy deputetë rruan kokën javën e kaluar.
Të gjithë janë zyrtarë të një partie konservatore që kundërshtojnë qeverinë e presidentit Mun Jin, nga i cili kërkojnë largimin e Cho.
Cho Cook, një ish-profesor i drejtësisë afër presidentit, mori detyrën muajin e kaluar.
Kritikët e tij janë të zemëruar pasi Mun e ka emëruar atë përkundër akuzave serioze për keqtrajtim financiar dhe akademik nga anëtarët e familjes së tij.
Gruaja e Cho, gjithashtu një profesoreshë, akuzohet për falsifikim të materialit që e ndihmoi vajzën e tyre të regjistrohej në kolegj dhe të marrë një bursë, duke bërë që studentët e tjerë të rebelohen.
Prokurorët po hetojnë gjithashtu një mashtrim të dyshuar në një fond të lidhur me kushëririn e Cho. Hetuesit kanë bastisur anëtarët e familjes së ministrit javët e fundit.
Discussion about this post