Në një kohë që vëmendja në Shqipëri është mjaft e përqëndruar te çështja ‘’Balili’’ dhe te zhvillimet rreth saj kryeministri Rama zgjedh të udhëtojë drejt Kosovës.
Ditën e nesërme pritet të mblidhet Këshilli i Sigurisë në mesditë. Këshilli do të mblidhet me kërkesë të kryeparlamentarit Meta dhe konfirmimin e presidentit Nishani.
Të pranishëm në këtë mbledhje do të jenë kryetari i shtetit Bujar Nishani, kryeparlamentari Meta, ministri i Brendshëm Saimir Tahiri, ministri i Drejtësisë dhe kreu i prokurorisë së përgjithshme Adriatik Llalla.
Emri që është në pikëpyetje është ai i ministrit të Drejtësisë sepse fillimisht shkresa është nisur në drejtim të Manjanit dhe pse pritet të jetë Petrit Vasili ai që do të jetë pjesë e mbledhjes pas dekretimit dhe betimit te presidenti. Që mendohet të ndodhë sot gjatë pasdites ose nesër para se të nisë mbledhja.
Kryeministri Rama i pyetur nga Ilva Tare në ndryshim nga Ministri i tij Tahiri që e quajti të pakuptueshme këtë mbledhje nuk ka preferuar të komentojë. Vetëm se ka pohuar që nuk do të jetë vetë i pranishëm. (E.K/SHUPLAKA)
Discussion about this post