Kryeministri Edi Rama vazhdon turin me dëgjesat publike të përcaktuara për këtë muaj. Në këto momente është ndalur në Fier dhe po bashkëbisedon me qytetarët të cilët nuk i kanë kursyer ankesat për shtetin.
Mirëpo numri më i madh i ankesave ka qenë pikërisht për kreun e ALUIZNI-t Ervin Bushi. Por siç duket, kryeministrit i është sosur durimi nga tërë ato ankesa dhe është shprehur: “Mbarove?! Të flas unë!” Sipas qytetarëve Ervin Bushi ka zvarritur duke mos kryer legalizimet konform ligjit.
“Mbarove! Të flas unë! Siç e kam dhënë njerëzve nuk do u gjejmë punën, por punës do i gjejmë njeriun e duhur. Unë kam besim se pavarësisht problemeve ka kapacitet për aq drejtues që na duhen për të pasur një administratë të përgjegjshme. Çështja është tek kompromisi i gjithë sistemin duhet do ta ndryshojmë pra që të mos kemi edhe komision pronash edhe hipotekë, edhe ALUIZNI edhe.. edhe.. por një institucion të vetëm”, tha Rama.
Kujtojmë se drejtori i ALUIZNI-t në këtë qytet Ervin Bushi, vjen nga radhët e Partisë Socialiste. Ndërkohë sjellim ndërmend se kryeministri Rama një ditë më parë kërkoi dorëheqjen e drejtorëve të Hipotekave dhe u la atyre vetëm 24 orë kohë për të dorëzuar shkresën e dorëheqjes. (D.D/Shuplaka)
Discussion about this post