Deputetja e LSi-së Monika Kryemadhi, e ftuar në emisionin “Top Story” të gazetarit Sokol Balla, ka folur për vizitën e Ilir Metës në zyrën e Sali Berishës pas arritjes së marrëveshjes Rama-Basha.
E pyetur “Pse sa herë ka një krizë Ilir Meta shkon tek Berisha?”, Kryemadhi është përgjigjur: “ Jam e bindur që ai ka vajtur për ta falënderuar Berishën për zgjidhjen e krizës. Berisha ka qenë një nga negociatorët për zgjedhjen e krizës? Unë mendoj që po.”
Nga ana tjetër, Kryemadhi është shprehur se Meta dhe një grup tjetër deputetësh u larguan nga PS-ja për shkak të arrogancës së kësaj partie në atë periudhë.
“LSI është një parti politike që u krijua nga Ilir Meta dhe grupi I deputetëve u shkëputën nga PS për shkak të arrogancë së PS-së në atë kohë.
Meta ka krijuar një filozofi interesante, e bashkëpunimit, e respektimit të strukturave. Lista e Tiranës, psh, shumë interesante, që ka kaluar në të gjitha forumet dhe strukturat e partisë. Përfshin shumë djem dhe vajza të reja, shumë burra dhe gra, të ndryshëm ,ëqë sjellin një lloj mentaliteti dhe dëshirën për të jetuar jetën në Shqipëri, në një kohë kur ët rinjtë kërkojnë të largohen, duke patur parasysh mungesën e shpresës, Meta futi filozofinë e njerëzve të rinj që e duan vendin.
Nuk kemi qenë 12 , kemi qenë 4 vjet në opozitë, kemi punuar në procesin e liberalizimit të listave dhe që LSI mbante postin e ministrit të jashtëm në atë kohë.”, tha Kryemadhi. (D.D/Shuplaka)
Discussion about this post