Deputeti i Partisë Socialiste, Taulant Balla, ka reaguar në ditën e 26-të të protestës së opozitës, lidhur me çadrën që vijon të jetë e vendosur përpara godinës së Kryeministrisë.
Në një reagim të tijin në “Facebook”, ai shkruan se Shqupi hyri në çadër për të kërkuar votimin elektronik, por nuk e ka përmendur më atë, çka tregon se çadra u ngrit kundër Vettingu-t.
Ai akuzon PD-në se do të mbajë në punë prokurorët dhe gjyqtarët e korruptuar, duke gënjyer shqiptarët, duan të sabotojnë integrimin europian të Shqipërisë, të bllokojnë Vettingun për hir të pazarit me ca gjyqtarë.
Në vijim të reagimit të tij, deputeti i PS-së shprehet se edhe Franca hoqi dorë nga votimi elektronik pak ditë më parë, për shkak të rrezikut të mundshëm të ndërhyrjeve kibernetike.
Reagimi i plotë i Taulant Ballës:
Shqupi hyri ne cader gjoja per te kerkur votimin elektronik. Por tashme te gjithe e kane kuptuar se cadra u ngrit kunder vetingut dhe votimi elektronik tashme nuk permendet prej tyre. Edhe bojkoti i komisionit te reformes zgjedhore, me pas edhe i Parlamentit, ndoshta edhe i zgjedhjeve, jane instrumenta kunder reformes ne drejtesi per Berishen dhe alibi per humbjen e radhes per Bashen.
Duan te mbajne ne pune prokuroret dhe gjyqtaret e korruptuar, duke genjyer shqiptaret e papune.
Hajdeni ju o te papune te mblidhemi ne cader therret Lulzim Basha dhe Sali Berisha, se vetingu do na heqe nga puna ca miq tanet gjyqtare dhe prokurore te korruptuar.
Duan te sabotojne integrimin europian te Shqiperise, hapjen e negociatave, duke bllokuar vetingun, per hir te pazarit me ca gjyqtare dhe prokurore, ne dem te mundesive te reja qe afrimi me BE u jep shqiptareve.
Pse cadra nuk flet me per votimin elektronik?
Edhe Franca hoqi dore pak dite me pare nga votimi elektronik, per shkak te rrezikut te nderhyrjeve kibernetike.
Ne Maj dhe ne Qershor Franca ka zgjedhjet presidenciale dhe parlamentare. Autoritetet franceze qe merren me organizimin e procesit zgjedhor kane vendosur te heqin dore nga votimi elektronik per shkak te rrezikut te nderhyrjeve kibernetike, duke u rikthyer ne format tradicionale te votimit.
(XH.A/SHUPLAKA)
