“Pse sillet keq me ambulantët kur ka shitur fiq vetë?”, Veliaj e ka një përgjigje për kritikët

Në aktivitetin e zhvilluar së fundmi për prezantimin e fondeve të komuniteteve, kryetari i Bashkisë së Tiranës, Erion Veliaj, ka reaguar ndaj kritikëve që e sulmojnë për aksionin që Policia Bashkiake ndërmerr ndaj shitësve ambulantë.

Referuar këtyre kritikave dhe fjalëve se përse duhet të sillet keq me ambulantët kur ka shitur fiq vetë, ai është shprehur:

“Ka plot nga ata që më thonë se pse sillet kaq keq me ambulantët ky Erioni që ka shitur fiq vetë. Nuk është kështu. Nëse lagja ime ka pazar, pse para shtëpisë time duhet të jenë këta shitës? “Institucioni i sevapit” nuk e zgjidh këtë punë për kohë të gjatë. Ne kemi plot tezga bosh në Pazar.”, është shprehur Veliaj.

(XH.A/SHUPLAKA)