Serbia nuk e ka furnizuar me uniforma dhe armë grupin e armatosur që u përlesh me policinë e Kosovës sot, tha presidenti Vuçiç në konferencën për media mbrëmjen e sotme pas mynxyrës në veri të Kosovës.
Përkatësisht, i pyetur nga N1 se kush i ka armatosur sulmuesit, kush u ka dhënë uniforma dhe si ka mundur që të mos ketë informacion nga veriu i Kosovës, Vuçiç ka thënë:
“Këto pyetje pasqyrojnë se si duket lufta speciale kundër Serbisë. Në atë pyetje keni parë insinuata se Serbia ka ofruar uniforma të ushtrisë apo policisë. Këto nuk janë uniforma të ushtrisë serbe. Uniformat blihen kudo në treg. E patë që nuk kishte mjete dhe armë speciale. Prej muajsh kam thënë se në veri po rritet rezistenca dhe rebelimi, ndër të tjera, sepse nuk mund të hyjmë pa lejen e KFOR-it. Unë fola me disa përfaqësues të Listës Serbe, ata janë të tmerruar, janë me njerëzit e tyre, pa marrë parasysh se kush janë ata…Sa i përket të kyçurve, nuk mendoj se problemi është se kanë qenë të kyçur, por se Policia shqiptare qëlloi në ato shtëpi”, tha ai.
Discussion about this post