Ish-ministrja e Arsimit dhe Sportit, Lindita Nikolla, bëri të ditursot se ka nisur procedurën e padisë për shpifje ndaj Ben Blushit. Shkak sipas saj fakti që “njeriu më parazit që ai ka njohur në jetën e saj”, e ka sulmuar paturpërsisht me ligësinë e mediokritetit.
Po pse ish-ministrja, kandidate e PS-së në Lezhë, kujtohet sot për të paditur kreun e LIBRA-s kur kulmi i replikave mes tyre ka qenë disa muaj më parë, pikërisht në muajin Mars 2017, kur Ben Blushi e akuzoi ashpër nga foltorja e Kuvendit.
23 marsi shënoi kulmin e akuzave të Blushit, i cili e akuzoi atëherë Lindita Nikollën në atë kohë ministre Arsimi për marrjen e 3.000 eurove për një vend pune, se çonte dhe merrte lekë me badigardin e saj, se i dogji shkollën një të riu nga Lushnja të sëmurë me leuçemi, apo për reformat në arsimin e lartë.
Por ish-ministrja ka zgjedhur të reagojë pas rreth tri muajsh, kur ato replikat dhe akuzat nga foltorja e Kuvendit janë shuar, e partitë janë tashmë të përqëndruara në zgjedhjet e 25 qershorit. Pse Nikolla vendos sot “ta ndjekë deri në fund në rrugë gjyqësore këtë njeri që sot e gjithë kohën do të mbahet mend në Ministrinë e Arsimit, si ministri i arrogancës dhe asgjësë” siç shprehet ajo?! Për të favorizuar vetëm veten në kohë fushate apo… për të favorizuar të dy? Çfarë skenari qëndron pas kësaj padie të beftë?
(XH.A/SHUPLAKA)
Discussion about this post