Prokurori i Krimeve të Rënda, Besim Hajdarmataj dhe drejtori i antimafias në rajonin e Puglias në Itali, kanë dhënë detaje lidhur me operacionin e tre ditëve më parë që çoi në arrestimin e 43 personave, mes të cilëve 19 shqiptarë, ndërsa dy të tjera janë shpallur në kërkim.
Të pyetur nga gazetarët në lidhje me emrin ‘’Shefi” kreu i antimafias u shpreh se etiketimi nuk i referohet një personi por mënyrës sesi funksiononte grupi.
Pse u quajt “Shefi” operacioni i madh antidrogë?
Kreu i DIA: “Shefi” sepse organizimi vinte nga lart. Sa i përket zonës nga vinte droga, duhet të jetë zona e Orikumit. është emri i cili i është vendosur operacionit, jo emri i një personi të caktuar.
Në vijim të hetimeve janë vënë dy organizata të ndara nga njëra-tjetra. Njëra që bënte shefin në Bari drejtonte lëndën narkotike dhe tjetra që e shpërndante. Pra, ishin dy organizata të ndryshme.
Çfarë përfaqësonin personat e arrestuar në Shqipëri gjatë operacionit “Shefi”? Ka pasur ndihmesë nga policia?
Kreu i DIA: Nuk kemi të dhëna të tilla. Këta përfaqësonin furnizuesit e lëndës narkotike.
Hajdarmataj: Nuk na rezulton me background përfshirja e tyre në biznese. Kjo do jetë pjesë e hetimeve në vijim.
Ardi Veliu: Gjatë hetimeve nuk është se ka pasur bashkëpunim mes furnitorëve të drogës me individë të policisë shqiptare.
(E.K/FAXWEB)
