Alesio Sulejmani 15 vjeç, nxënës në shkollën 9-vjeçare “Bedrie Bebeziqi” në Durrës, mbeti i plagosur një ditë më parë gjatë një sherri me dy adoleshentë të tjerë.
Konflikti banal mësohet se nisi disa ditë më parë, por fatmirësisht nuk përfundoi tragjikisht për 15-vjeçarin që u plagos me thikë në shpatull nga bashkëmoshatarët S. D. 15 vjeç dhe shoku i tij (i shpallur në kërkim nga policia).
Dy të rinjtë që janë konfliktuar me 15-vjeçarin, mësohet se janë nxënës të shkollës 9-vjeçare “Jusuf Puka” (e afërt me shkollën “Bedrie Bebeziqi).
Nga hetimet paraprake të policisë, rezulton se nxënësit konfliktoheshin herë pas here për motive banale, të tilla si: “Pse vini në shkollën tonë?”
Dyshohet se marrëdhëniet mes adoleshentëve janë tensionuar edhe nga sherret mes tyre për vajzat e shkollës, duke devijuar në kërcënime konkrete.
Sipas dëshmitarëve, pas përplasjes fizike, Alesio Sulejmani mbeti i plagosur në shpatull. Fillimisht, ishte e vështirë për t’u dalluar për shkak të numrit të madh të nxënësve që po dilnin nga shkolla, deri në momentin që u konstatua se kishte mbetur i plagosur. (XH.A/SHUPLAKA)
