Neymar Junior nuk do të luajë asnjë ndeshje me PSG-në derisa të sqarohet përfundimisht e ardhmja e tij.
Këtë e ka konfirmuar sot trajneri Thomas Tuchel, i cili në intervistën para ndeshjes me Touluse theksoi:
“Neymar është gjithnjë e më i gatshëm për të luajtur, ka arritur formën e duhur dhe ka më shumë kapacitet për të qenë pjesë e skuadrës. Ai është stërvitur shumë mirë, me kualitet dhe intensitet të lartë. Por, situata e tij me klubin është si gjithnjë e njëjtë. Pozicioni i klubit është i qartë: Nëse situata e tij nuk qartësohet, atëherë ai nuk do të luajë. Nëse situata e tij qartësohet që nesër, ai do të luajë, nëse nuk ndodh, ai nuk luan”.
Me pak fjalë Neymar nuk do të zbresë në fushë deri më 2 shtator, kur merkato të jetë mbyllur dhe e ardhmja e tij të jetë e qartë.
? Le coach évoque les axes d’amélioration de l’équipe et la préparation face à Toulouse ? pic.twitter.com/S9cPnEbIlm
— Paris Saint-Germain (@PSG_inside) August 24, 2019
