Sot Parisi ka prezantuar blerjen e tij më të re, talentin francez Kylian Mbappe të cilin e mori nga Monako për një shumë prej 180 milionë eurosh.
Vetë 18 vjeçari u shpreh se ëndërron Ligën e Kampionëve dhe se zgjodhi PSG jo vetëm për të luajtur përkrah yllit Brazilian Neymar që e cilësoi një gjë të jashtëzakonshme, por për të qënë pjesë e projektit të klubit që e konsideroi si një nga më të mirët në planet.
“Është një kënaqësi e veçantë të jesh në një prej klubeve më të mirë në planet, i cili ka potencialin për të qënë absolutisht më i miri. Vij këtu me përulësi dhe më dëshirën për të punuar. Dua të fitoj shumë trofe, por ëndrra ime është Liga e Kampionëve. Të luash përkrah Neymarit është e jashtëzakonshme, megjithatë nuk jamë këtu vetëm prej tij, por sepse doja të isha i përfshirë në këtë projekt madhështor. Jam ende i ri dhe kam shumë etje për sukses”, tha Mbappe. (B.H/Shuplaka)
Discussion about this post