E fortë, e guximshme, e qeshur dhe plot pozitivitet psikologia Silvana Loka rrëfeu në “Pasdite në Top Channel” historinë e saj të betejës me kancerin e gjirit. Psikologia e njohur që është njëkohësisht edhe pedagoge në Universitetin e Tiranës shprehet se ishte e vetme kur ajo konstatoi nga analizat e kryera rutin se kishte një masë që me shumë mundësi mjekët i thanë se mund të jetë tumor.
Menjëherë, brenda 24-orëve ajo bëri të gjitha analizat që duheshin për konfirmimin përfundimtarë, ndërkohë që të afërmit e saj ndodheshin jashtë shtetit. Duke kujtuar ditët e vështira psikologia tregoi se momenti kur ajo i rrëfeu sëmindjen njerëzve të saj të zemrës nuk ishte aspak e lehtë.
Ajo shton se nuk e di se se ku i ka gjetur fjalët për t`ia dhënë lajmin bashkëshortit dhe vajzave sepse bëhej fjalë për një sëmundje e cila do të pasohej me ndryshime në fizikun e saj dhe ndoshta do t`ia merrte jetën.
Fatmirësisht ajo e mundi luftën kundër kancerit pasi vendosi të qëndronte e fortë, të mendonte me optimizëm dhe të mos e kthente kokën pas për të pyetur pse ajo, por të shikonte përpara dhe të mendonte se kjo ishte vetëm cështe kohësh. Gruaja me shami në kokë mes emocioneve tregoi momentin e parë kur ajo u përball me rënien e flokëve gjate kimioterapisë.
“Vendosa qëllimisht të mos pranoja një mundësi që më thanë doktorët se gjatë kimioterapisë mund të ruaja flokët nga rënia. Jam prind i dy vajzave, unë dëshirova që vajzat e mia ta njihnin diagnozën të plotë, me të gjitha kostot. Dua që vajzat e mia kur te shikojnë fotot e mia vitale të kuptojnë që asgjë s’iu ishte fshehur pas gishtit”, tha Silvana në “Pasdite në Top Channel”.
Duke u përpjekur për të dhënë një mesash sensibilizues për të gjitha gratë e tjera që vuajnë nga e njëjta sëmundje ajo thot se u përpoq të mos ndryshonte asgjë në rutinën e jetës së saj, duke mos hequr dorë nga angazhimet, puna dhe familja.
Ajo këshillon gratë e tjera se asnjëherë të mos preken nga reagimet e të tjerëne në momentin që bien flokët duke e ilustruar me një nga ngjarjet të cilën e kishte përjetuar vetë.
”Në njërën nga pasditet shkoj te marketi i lagjes dhe djali i njërës nga mikeshat e mia më pyet pse i ke flokët e sheshte, babai i tij u vu në siklet. Pse e pyet teta Silven dhe e vë në siklet, jo i thashë prit se duhet t’i përgjigjem. I thashë teta ka pas një sëmundje dhe do t’i kaloje tetës dhe do kem sërish flokët e kuqe kaçurrele.”-rrëfen ajo duke theksuar se kjo sëmundje ka nevoj vetëm për pozitivitet dhe buzëqeshje.
(B.N/SHUPLAKA)
