Pak ditë pas vrasjes së 7-vjeçarit në Bazel, nga një grua me probleme mendore e identifikuar si Ilias Mahmutin, Komisioneri për krime në Bazel, Peter Gill ka bërë me dije se 75-vjeçarja tanimë është në paraburgim. Masa paraburgim i është dhënë për një kohë prej 3 muajsh por mund të ndryshohet nëse ka kërkesë, gjithashtu po i bëhet vlerësimi psikiatrik.
Ndërkohë, zyra e prokurorisë nuk ka dashur të komentojë rastin në detaje, duke konfirmuar vetëm se Mahmutin kishte njoftuar disa persona e institucione për krimin me anë të telefonit, pasi që kreu sulmin.
Psikiatri i gjykatës, Josef Sacsh, ndërkaq, nuk ka treguar se nëse gruaja e bëri këtë krim vetëm për t’u bërë e famshme, duke thënë se kjo momentalisht mund të mbetet vetëm një spekulim. Por, për të megjithatë ka edhe dy shpjegime të mundshme: ose e ka bërë nga frika se mund të ndiqet nga autoritetet për shkak të borxheve ose është vrasje e motivuar ideologjikisht, shkruan insajderi.
E dyshuara kishte pasur marrëdhënie të tensionuara me institucionet shtetërore. Ajo kishte borxhe të mëdha dhe kishte nënshkruar falimentimin në vitin 2007.
Gruaja momentalisht është në ekzaminime psikiatrie, ndërkaq ende nuk dihet se nga cila sëmundje mendore vuan.
Dyshimet se mund të ishte parandaluar sulmi, ende nuk janë zbuluar. Ndryshe, të shtunën në Bazel u mbajt edhe një marsh, ku morën pjesë qindra njerëz që dënuan aktin makabër.
Lamtumira e fundit 7-vjeçarit iu dha të shtunën, në varrezat e qytetit në Gjilan, ndërkohë Bazeli vazhdon të mbetet ende i tronditur nga kjo ngjarje në të cilën gruaja e moshuar me probleme mendore e preu me thikë në fyt të miturin.
