Kimete Berisha është një nga publicistet më të njohura në Kosovë. Jo pak herë ajo në qëndrimet e saj shprehte mbëshetjen e saj për kryeministrin shqiptar Edi Rama.
Mirëpo pak kohë më parë, pas takimit të saj me kryeministrin Rama, në kuadër të biennales në kryeqytet, Berisha shprehej se Rama është një nga njerëzit më arrogant që ajo kishte njohur në jetën e vetë.
Një shkrim ky që u bë viral dhe në rrjetet sociale. Mirëpo sot publicistja nga kosova ka marrë një vendim, asnjë shkrim më kundër Ramës dhe Haradinajt.
Kjo pasi me qëndrimin kundër tyre ajo ka marrë dhe reagimin e serbëve, mbështetje të cilën nuk do e donte kurrsesi.
‘’ Se, ata që i kritikojnë Ramushin dhe Edi Ramën, padashje po e fitojnë simpatinë e serbëve, dhe dikush e ka bë punën ashtu që të ‘duken’ si antishqiptarë’’, shkruan ndër të tjera Berisha.
SHKRIMI I PLOTË:
Një serbe e Kosovës, që po punojke në njërën nga institucionet tona, pardje më ndali në sheshin
‘Ibrahim Rugova’ dhe në gjuhën shqipe më tha:
– Ti je Kimete Berisha, apo…?
Ia pranova që jam Kimetja derisa ajo u prezantua me emrin e saj has serb!
– Të lexoj tha vazhdimisht. Dhe sidomos dy shkrime tuat të fundit më kanë pëlqyer jashtëzakonisht shumë: shkrimi për Edi Ramën dhe shkrimi për Ramushin.
– Faleminderit i thashë dhe vazhdova rrugën time kokëulur.
Nuk e kisha idenë që më lexojnë edhe serbët.
Flaka e zezë më doli, m’u duk që busti i Ibrahimit më ra përmbi. Vetja m’u duk ‘tradhtare’, tepër tepër keq. Se më erdh shumë inat, shumë shumë mërzi me ju pëlqy serbëve.
Unë më përpara dua të vdes me adalet sesa t’u pëlqej serbëve ?.
Prandaj, më duhet, për inati të serbëve, m’i kursy këto dy figura, të cilët i urren Serbia, si armiqtë më të mëdhenj të saj.
…patriotizmi po ma kërkon t’u kthehem dashurive të vjetra ?.
Se, ata që i kritikojnë Ramushin dhe Edi Ramën, padashje po e fitojnë simpatinë e serbëve, dhe dikush e ka bë punën ashtu që të ‘duken’ si antishqiptarë ?
Pozitë e palakshmueshme! (E.K/SHUPLAKA)
