Publikimi i tezës së maturës, Berisha:E shpërndau Plarent Ndreca, kodi është “byzylyku”, ka planifikuar nxjerrjen e tezës edhe për provimet e ardhshme

Ish Kryministri Berisha ka shkruar përsëri për skandalin e publikimi të tezës së maturës shtetërore.

Ai akuzon sekretarin e përgjithshëm në ministrinë e arsimit, Plarent Ndrecën.

Sipas Berishës ai ka planifikuar të nxjerrë tezën edhe në provimet e ardhshme, për këtë ai i bën thirrje ministres së arsimit ta shkarkojë Ndrercën.

Berisha, duke i’u referuar “inspektorit digjital” thotë se është gjendur celulari që ka fotografuar zgjidhjet, dhe sipas tij të implikuar janë Ndreca dhe kushërira e tij e cila është drejtoreshë në Kurbin.

Kodi i shpërndarjes së tezës është byzylyku.

POSTIMI I BERISHËS:

Tezen e matures e ka nxjerre:

-sekretari i pergjithshem i mafies se MAS 
-Plarent Ndreca, denoncuar nga KLSH per hajni te miliona eurove

Inspektori dixhital denoncon:
-Plarent Ndrecen, Sekretarin e pergjithshem te mafies se MAS per
– nxjerrjen e tezes se Matures dhe 
-organizimin e rrjetit te shperndarjes se saj sipas perkatesise politike
-Gjendet celulari qe ka fotografuar zgjidhjet.Te dhenat paraprake implikojne Ndrecen dhe kushuriren e tij
Byzylyku eshte kodi i shperndarjes se zgjidhjes
-Ndreca ka parapregatitur nxjerrjen edhe te tezave te provimeve te ardhshme.

I bej thirrje ministres te shkarkoje menjehere dhe te dergoje per ndjekje penale kete mafjoz te rrezikshem.

I bej thirrje prokurorise te nderhyje per te vendosur para ligjit shkaterrimtarin e matures shteterore Ndreca.
Ketu me poshte keni mesazhet dhe fotot e inspektorit dixhital! sb

12/06/2017, 15:09:33: I nderuar Doktor 
Përpara se të të parashtroj disa problematika që po hasim me mafiozët ne MAS, dëshiroj tju uroj shëndet.Ju informoj se Plarent Ndreca është përgjegjësi kryesor për daljen e tezës së provimeve, e cila u kap në flagrancë nga Ministrja Karabina në Kurbin, ku drejtoreshë arsimi është kushurira e Plarent Ndrecës.
Ky telefon u kap nga vetë ministrja dhe siç duket nga fotoja është zgjidhur në një tavolinë zyre dhe kjo duket qartë nga lloji i tavolinës dhe gishtat e drejtoreshës së arsimit që e ka zgjidhur nga zyra e vet
Inspektorët e MAS në Kurbin nuk kryenin asnjë lloj efekti në provime, sepse kur vetë minitrja kapi 5 vetë duke kopjuar haptazi, mendoni pak se çbëhet më tej Janë ende 2 provime të maturës të cilat janë në rrezik të madh me Plarent Ndrecën në krye, pasi ai ka bërë ndarjen e njerëzve sipas zonave të monitorimit, pa dijeninë dhe aprovimin e ministres.
Një tjetër aspekt që u konstatua është se maturantët që liheshin të lirë të kopjonin ishin të “shënuar” dhe dalloheshin nga një byzylyk që mbanin në dorën e djathtë, pra atë që shkruanin
Në Fushë Krujë fenomeni i byzylykëve ishte pothuaj nga 10 vetë në çdo klasë
Edhe nga këta që kapëm me celular kishin byzylykë
Kjo ska qenë rastësi pasi na e kishin denoncuar vetë maturantët
Ky telefon u kap nga vetë ministrja dhe siç duket nga fotoja është zgjidhur në një tavolinë zyre dhe kjo duket qartë nga lloji i tavolinës dhe gishtat e drejtoreshës së arsimit që e ka zgjidhur nga zyra e vet”

(B.H/Shuplaka)