Partia Demokratike ka zhvilluar mbledhjen e grupit parlamentar, ku ka folur për zhvillimin e zgjedhjeve në parti.
Pas mbledhjes së grupit, janë zbuluar datat kur do të zhvillohen zgjedhjet për kryetarët e degëve nga 23 nëntori deri më 2 dhjetor.
“Në mbështetje të nenit 34 dhe 36 të Statutit të Partisë Demokratike, me qëllim organizimin dhe mbajtjen e Kuvendeve të Degëve të Partise Demokratike si dhe konstituimin e Kryesive të Degëve,
URDHËROJ: Organizimin dhe mbajtjen e zgjedhjeve për Kryetar të Degëve të Partisë Demokratike, gjatë periudhës 23 nëntor deri në 2 dhjetor 2018”, thuhet në shkresën e firmosur nga kreu i PD, Lulzim Basha.
Kujtojmë se Lulzim Basha ka mbledhur sot grupin parlamentar të PD-së ku është diskutuar për disa çështje të rëndësishme. Pika e parë që është diskutuar lidhet me qëndrimin që do të mbajë PD ndaj seancës të së enjtes në Kuvend ku do të diskutohet për buxhetin.
Pika e dytë e diskutimit lidhet me mbështetjen në çdo kohë të protestës së banoreve tek Unaza e Re.
Pika e tretë ishte përfundimi i zgjedhjeve brenda partisë. Basha kërkoi që procesi i zgedhjes së kryetarëve të degëve të përfundojë brenda dy javëve të ardhshme. Kjo i paraprin mbledhjes së kuvendit kombëtar me 15 dhjetor. Menjëherë me pas do të nisë ngritja e shtabeve elektorale. “Ne duhet të diktojme axhenden politike te vendit, siç kemi bërë deri tani’. Ka thënë Basha.
Pika e katërt ishte informim për misionin e venezias. Opinioni i venezias pritet pas dy javësh.
(B.B/ Faxweb.al)
