Vetëm dy ditë pas grabitjes në Aeroportin ‘Nënë Tereza’, ka dalë një video e cila tregon se në çfarë kushtesh sigurie transportoheshin paratë në aeroport.
Në video, e cila është e publikuar nga emisioni investigativ ‘Stop’, dallohet qartë se kushtet e sigurisë janë pothuajse zero.
Nga pamjet duket që makinat blind të policisë private vijnë me rradhë për të kaluar çantat me para.
Video është kapur nga një pasagjer i cili ndodhej në avionin ku do të transportoheshin dhe paratë gjithashtu, të cilat kishin destinacion Vjenën.
Ndërkohë që policia ende nuk ka identifikuar asnjë nga autorët e grabitjes përveç Admir Muratajt që u ekzekutua gjatë shkëmbimit të zjarrit me policinë. Ndërkohë që pista kryesore në të cilën janë fokusuar kërkimet për autorët është Kruja dhe Fushë-Kruja.
