Një foto është publikuar nga Politiko.al ku thuhet se në të ndodhet Saimir Tahiri bashkë me Artan Habilaj. Politiko.al shkruan se këtë foto e ka siguruar nëpërmjet një burimi policor ku sipas tyre Saimir Tahiri ndodhet në një skaf me kushëririn e tij Artanin, një prej krerëve të bandës së Habilajve, në një plazh të Karaburunit në verën e vitit 2014.
Sipas këtij portali fotoja është marrë nga distanca dhe nuk është shumë e qartë, por pamja e Tahirit është e dallueshme, siç është e dallueshme edhe stema e Policisë shqiptare në mëngën e një prej burrave që gjeneden në skaf.
Theksojmë se Saimir Tahiri është nën hetim nga Prokuroria për implikim të mundshëm në trafikun e drogës, pas indicieve të forta të siguruara nga dosja e Prokurorsë italiane. (J.V/Faxweb)
Discussion about this post