Gjykata Kushtetuese ka publikuar ditën e sotme listen zyrtare të pesë anëtarëve të saj të parë.
Në listë mungon emri i Arta Vorpsit e konsideruar si e emëruar nga Parlamentit, ndërsa nënshkroi një akt betimi pranë një zyre noterie në Tiranë.
Në këtë listë, rezulton edhe emri i Marsida Xhaferllarit, e dekretuar nga Presidenti Ilir Meta dhe e kontestuar nga socialistët në pushtet.
Xhaferllari do të jetë në këtë post bashkë me kolegët e saj të zgjedhur këtë muaj për 9 vite pa të drejtë rizgjedhjeje.
Gjykata Kushtetuese përbëhet nga 9 anëtarë, nga të cilët tre anëtarë emërohen nga Presidenti i Republikës, tre anëtarë zgjidhen nga Kuvendi dhe tre anëtarë zgjidhen nga Gjykata e Lartë.
