Shqipëria është një ndër vendet, pjesë e listës së zezë në sigurinë portuale. Kjo është ajo çka është konstatuar në mbledhjen e 52-të, të Komitetit të Memorandumit të Mirëkuptimit të Parisit.
Komiteti, i cili merret me sigurinë portuale në të gjithë botën, miratoi rezultatet e inspektimit të 2018-ës së bashku me listat e reja të performancës për flamujt dhe Organizatat e Njohura, të cilat do të hyjnë në fuqi nga 1 korriku 2019. (Lexo këtu)
Lista bazohet në numrin total të inspektimeve dhe ndalimeve gjatë një periudhe trevjeçare për flamuj me së paku 30 inspektime gjatë kësaj periudhe.
Nga 73 flamujt, 41 janë në Listën e Bardhë, 18 në Listën e Gjelbër dhe 14 në Listën e Zezë. Kështu sipas renditjes në tabelë shihet se pjesë e 14 vendeve në listën e zezë ka hyrë edhe Shqipëria.
Ajo çfarë vihet re në listën e zezë, është fakti se rënditen vende të botës së tretë dhe ku siguria është minimale, siç janë: Mongolia, Sierra Leone, Kamboxhia etj.
Discussion about this post