Publikohet skandali, farmacitë shqiptare shesin ilaçe të parregjistruara (VIDEO)

Në farmacitë shqiptare nuk tregtohen vetëm ilaçe të rregullta, por edhe ato të parregjistruara.

Sipas investigimit të emisionit “BOOM”, në  farmacitë tona shiten edhe dy medikamente “Flagyl” dhe “Advil”, të cilët janë të parregjistruara dhe futen kontrabandë në Shqipëri.

“Flagyl” përdoret për parazidët ndërsa “Advil” për dhimbje të trupit gjatë gripit.

Agjencia Kombëtare të Barnave, konfirmoi për gazetarët e emisionit se këto dy medikamente bëjnë pjesë në listën e ilaçeve që nuk lejohen të tregtohen në farmacitë shqiptare.

Intervista në Farmacinë 1:

Gazetari: Flagyl ke?

Farmacistja: Jo nuk kam, vetëm po ta gjesh kështu..

Gazetari: Kokrra ke?

Farmacistja: Me emrin flagyl, që të lexojë flagyl jo.

Gazetari: Nuk ka

Farmacistja: Jo

Gazetari: E kanë hequr?

Farmacisjta: E kanë hequr, nuk vjen më, vetëm kontrabandë e gjen, mund ta gjesh.

Gazetari: Ku mund ta gjej?

Farmacisjta: Andej nga spitalet shif njëherë se mund ketë faraci që mund ta mbajnë

Intervista në Farmacinë 2:

Gazetarja: 10 kokrra advil desha

Farmacistja: 2 mijë lekë kushtojnë

Gazetari: Mirupafshim

Intervista në Farmacinë 3:

Gazetari: Më jep 10 kokrra advil

Farmacistja: Nuk ka sepse është preparat që nuk qarkullon në Shqipëri, e miratuar nga ministria. Në Amerikë, Kanada qarkullon

Gazetari: Dmth e ka heq ministria këtë?

Farmacisjta: Nuk është me pullë, në kuptimin që nuk është i miratuar për tu tregtuar në Shqipëri advili. Ka mënyra të tjera që marrin guximin ca e tregtojnë, por …

Intervista në Farmacinë 4:

Gazetari: Më jepni 10 kapsula advil

Farmacistja: Advil sa do?

Gazetari: 10

Intervista në Farmacinë 5:

Gazetarja: Advil ju lutem

Farmacistja: Advilët janë amerikanë me shishe të mëdha, janë me 100 kokrra

Gazetarja: 10 kokrra?

Farmacistja: Xhel apo kokërr?

Gazetarja: Kokërr

Farmacistja: Të hapura?

Gazetarja: Po

Farmacistja: Këto janë konfeksione të mëdha

Gazetarja: Këto janë amerikane mos gaboj

Farmacistja: Qetësues, dhimbje koke, dhimbje trupi, menstruale, reumatizmale

Intervista në Farmacinë 6:

Gazetarja: Desha nja 10 kokrra advil

Farmacistja: Advil nuk kemi, është pa pullë, nuk merret te të gjitha farmacitë se është e paregjistruar.

Intervista në Farmacinë 7:

Gazetari: Më jep një flagyl

Farmacistja: Nuk ka flagyl

Gazetari: Ku mund të gjej?

Farmacistja: Flagyli mesa di unë ka një vit që është në mungesë, të paktën në tregun shqiptar. Nuk e di vetëm nëse është pa pullë. Unë nuk kam

Intervista në Farmacinë 8:

Gazetari: Më jep 10 kapsula flagyl

Farmacistja: Flagyl?

Gazetari: Po kokërra

Farmacistja: Je me fat mor çun

Gazetari: Pse?

Farmacistja: I kisha për shtëpi

Gazetari: Nuk i gjeta

Farmacistja: Nuk ka, unë këto i kisha të shtëpisë

Gazetari: Mos i shit ato të shpisë se mos të duhen

Farmacistja: Po rri ore urtë tashi

Farmacistja: 4 mijë

Intervista në Farmacinë 9:

Gazetari: Flagyl desha unë

Farmacistja: Kokrra, kapsula?

Gazetari: Po kokrra, 10 kokrra

Farmacistja: 500 i do?

Gazetari: Po

Farmacistja: 500 lekë bëjnë

Gazetari:  Ti shof njëherë a janë ato

Gazetari: Mbaji këtu