Publikohet studimi/ Aspirina jo më funksionale për trajtimin e disa sëmundjeve

Aspirina ditore me doza të ulëta nuk rekomandohet më si parandalim i sulmit në zemër për të rriturit apo të moshuarit. Një lajm i tillë bëhët me dije pas një studimi të bërë nga Kolegji Amerikan i Kardiologjisë dhe Shoqata Amerikane e Zemrës.

Sipas studimit aspirinat në doza të ulëta nuk rekomandohen për personat në moshë, të cilët kërkojnë mënyra për të ulur rrezikun e goditjeve në tru dhe atakut kardiak. Kjo sepse këta persona automatikisht rrezikojnë të rrisin rrezikun ndaj këtyre sëmundjeve, në qoftë se janë të shëndetshëm dhe sërish i marrin këto mjekime për parandalim të parakohshëm.

“Ne më tepër jemi më të mirë në trajtimin e faktorëve të cilat çojnë në sëmundje të tilla si: hipertensioni, diabeti dhe veçanërisht kolesteroli i lartë. Kjo përbën dhe dallimin më të madh,duke i mohuar çdo perceptim që kishim më parë për aspirinën ditore me doza të ulëta.”- u shpreh kardiologu i Karolinës së Veriut Dr. Kevin Campbell.

Mirpo sipas mjekëve specialistë, një lloj i tillë aspirine mund të konsiderohet për personat në moshë të cilët kanë vështirësi në uljen e kolesterolit të tyre ose menaxhimin e sheqernave të tyre të gjakut, përderisa nuk ka rrezik të shtuar për gjakderdhje të brendshme. Mjekët po ashtu shprehen se klinikat duhet të jenë shumë të vëmendshme në perceptimin e kësaj aspirine në recetat e pacientëve pa jua njohur mirë sëmundjet kardiovaskulare.

Ata shprehen se kontrollimi i presionit te gjakut dhe kolesterolit është më mirë të arrihet përmes djetave të duhura ushqimore sesa përmes aspirinës.

Dr. Campbell thotë se ai “do të përkrahëte një mënyrë jetese të shëndetshme, ndërprerjen e pirjes së duhanit për modifikimin e faktorit të rrezikut përpara se të zhvillohej në atë formë që të kërkonte trajtim si  dhe të evitohet terapia e aspirinës në një pacient pa sëmundje të njohur kardiovaskulare”.

Megjithatë ky lajm vjen përmes një studimi për të cilin ka debate midis ekspertëve përsa i përket rrugës më të mirë të veprimit në lidhje me këtë mjekim dhe të dhënat e ndërmara nuk janë ende definitive.