Vetëm disa ditë më parë Prokuroria e Tiranës ka kërkuar heqjen e mandatit për deputetin socialist Vladimir Kosta.
Mesohet se kërkesa është dorëzuar në KQZ dhe shkak është bërë mosdeklarimi i një dënimi për armë pa leje. Vladimir Kosta nuk ka treguar në formularin se është dënuar për armëmbajtje pa leje nga gjykata. Për këtë arsye prokuroria i ka kërkuar KQZ-së heqjen e mandatit si deputet Vladimir Kostës.
Sipas prokurorisë deputeti Kosta rezulton i dënuar për armë pa leje nga gjykata e Tiranës me një gjobë 100 mije lekë nga Gjykata e Tiranës në 19 prill të vitit 2000.
Për këtë ka reaguar edhe gazetari Flamur Vezaj i cili shprehet se nga vendimi ngelesh i habitur sesi është marrë vendimi si “armembajtje pa leje.
“Gjykata e Tiranes, ne prill te vitit 2000 denoi me gjobe prej 10 mije lekeve te reja V.Kosten per “armembajtjen pa leje”! Te lexosh vendimin, habitem si eshte kualifikuar nga prokuroria dhe me pas gjykata, vetem si “armembajtje pa leje” kjo ngjarje!!! Pasi del qarte qe V.Kosta ka qelluar me arme por ne vendim thuhet ne “ajer”!!! Qellon ne ajer dhe plumbi e godit makinen!!! Po kjo makina e E.Topit po fluturonte qe mori nje plumb!??? #hajde merre vesh kete sistem drejtesie”, shkruan Vezaj.
Gazetari ka publikuar edhe vendimin e gjykatës. (J.V/Shuplaka)
Discussion about this post