Tanimë është zyrtare, Universiteti i Tiranës është universiteti më i dobët në të gjitha universitetet shtetërore.
Agjencia e Sigurimit të Cilësisë në Arsimin e Lartë ka publikuar vendimin e këshillit të akreditimit mbështetur mbi raportin e ekspertëve të agjencisë britanike QAA, (Quality Assurance Agency) për akreditimin e universiteteve, ku rezulton se Universiteti i Tiranës ka vetëm një vit akreditim.
Vendimi që mban datën 21 shtator 2017, rendit të gjithë universitetet dhe vitet që ata do të jenë të akredituar.
Për Universitetin e Tiranës thuhet se periudhën e akreditimit e ka nga 21/09/2017 deri në 30/09/2018. Të gjithë universitetet publike pa përjashtim, kanë dalë me standarde të mangëta, shumë larg standardit maksimal.
I12-i është renditur Universiteti i Tiranës, i 11-i Universiteti “Luigj Gurakuqi” i Shkodrës me dy vite akreditim nga gjashtë, pastaj vijnë Universiteti Politeknik, universiteti “Aleksandër Xhuvani”, Universiteti i Sporteve, Universiteti “Ismail Qemali” në Vlorë, universiteti “Eqerem Cabej” në Gjirokastër, me gjysmën e kritereve me 3 vite nga 6 vite akreditim, ose përafërsisht me 50% të standardeve.
Në grupin tjetër hyjnë 3 universitete; Universiteti Bujqësor i Tiranës, universiteti “Aleksandër Moisiu” në Durrës dhe Universiteti i Arteve, me përafërsisht 70% të standardeve.
Në grupin e parë hyn Universiteti i Mjeksisë së Tiranës, dhe Universiteti “Fan Noli” i Korcës, që kanë arritur rreth 80% të standardeve, kanë marrë akreditimin 5 vite nga 6 vite që është totali. Ndërkohë që universitet private rezultojnë që i plotësojnë standartet. (D.D/Shuplaka)
[ngg_images source=”galleries” container_ids=”2866″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post