”Sot dua njëkohësisht që t’u bëj të ditur që tashmë edhe unë si një anëtar i thjeshtë i LSI, do të ndërmarr një tur falenderimi dhe mirënjohje për të shtrënguar dorën më çdo anëtar anembanë vendit sepse mirënjohja dhe fjala e mbajtur kanë qenë dy shtyllat e kësaj force politike”, ka thënë Meta në videomesazhin e lajmëruar më herët.
Meta ka falenderuar anëtarët dhe mbështetësit për mbështetjen e Petrit Vasilit.
”Dua t’i falenderoj për mbështetjen e jashtëzakonshme dhe unanime të kryetarit të ri të Lëvizjes Socialiste për Integrim Petrit Vasilit, me të cilin jam i bindur që LSI do të marrë ato rezultate që ne kemi ëndërruar prej kohësh së bashku”, tha Meta, duke shprehur bindjen e tij për rezultatet që forca politike themeluar nga ai do të arrijë.
“Sot në orën 18:30 një video-mesazh shumë i rëndësishëm nga z. Ilir Meta!”, lajmëronte LSI-ja .
” Megjithatë, kam sigurisht edhe një lajm shumë të mirë, të cilin edhe këtë dua ta ndaj me ju, që të gjithë këta mijëra mbështetës tanë të cilët erdhën, por nuk mundën të ishin në sallë dhe sigurisht kishin dëshirë të ishin në sallë, dhe ne e bashkëndajmë të gjithë këtë sensibilitet, që është plotësisht i justifikuar dhe kishin dëshirë sigurisht ta dëgjonin nga afër z. Meta, si një takim i pazëvendësueshëm dhe i pashlyeshëm për ta, z. Meta ka vendosur që të gjithë periudhën që gjendet përpara deri në mandatimin e tij si President i Republikës, duke qenë se ai ende është deri në datën 23 korrik anëtar i Lëvizjes Socialiste për Integrim, ai do të ndërmarrë një tur të gjerë takimesh falënderimi, për të gjithë mijëra anëtarët, mbështetësit dhe simpatizantët, falë të cilëve fuqia e arsyes dhe e forcës politike të Ilir Metës mori një fuqi të madhe politiko-institucionale, që i shërbeu në mënyrë të jashtëzakonshme vendit dhe qëndrueshmërisë së tij”, tha gjatë konventës kryetari i ri i LSI-së Petrit Vasili. (V.G/SHUPLAKA)
Discussion about this post