Publikohet VIDEOJA e krimit në Durrës, si dalin autorët nga “Porsche” dhe rrahin për vdekje biznesmenin

Dalin pamjet nga ngjarja e rëndë e një ditë më parë, kur tre persona vranë me thikë pronarin e një dyqani ushqimor në qytetin e Durrësit.

Në videon e publikuar nga portal “JOQ”, shikohet momeni kur tre të dyshuarit, Kostandin Ekonomi, Kujtim Ekonomi dhe Jurgen Kurti, kanë hyrë në dyqanin e Agim Arapit dhe e kanë sulmuar atë.

Në fillim në skenë paraqitet një makinë tip “Porsche” nën drejtimin e njërit prej vëllezërve Ekonomi. Makina në fjalë parkohet pak më poshtë dyqanit të 51-vjecarit.

Sipas policisë, vëllezërit Ekonomi e kanë rrahur keq biznesmenin ndërkohë që i riu Kurti qëndronte jashtë dyqanit ushqimor duke bërë “rojen”.

Mendohet se shkak i konfliktit mes tyre është bërë një shumë parash prej 13 mijë lekësh të reja për një tub aspirimi.

NJOFTIMI I POLICISË
Vrasin një shtetas për motive të dobëta. Policia pak minuta pas ngjarjes arreston dy autorët, vëllezër me njëri-tjetrin. Në vendngjarje sekuestrohet një thikë. Më datë 11.04.2017, rreth orës 19:55 në lagjen Nr.1 Durrës, Bulevardi “Epidam”, në një dyqan ushqimor, ndodhi një konflikt për motive të dobëta, ku u plagos shtetasi Agim Arapi 51 vjeç, banues në Durrës. I dëmtuari ndërroi jetë në Spitalin Rajonal Durrës. Me të marrë njoftim menjëherë në vendngjarje shkuan Efektivet e Policisë, të cilët pak minuta pas ngjarjes kanë bërë të mundur identifikimin, kapjen dhe arrestimin e autorëve të dyshuar, konkretisht shtetasit:
• Kostandin Ekonomi 54 vjeç, banues në Durrës;
• Kujtim Ekonomi 50 vjeç, banues në Durrës. Të arrestuarit janë vëllezër me njëri-tjetrin. (D.D/Shuplaka)