Emigrimi i të rinjve shqiptarë është një fenomen që po prek çdo familje. Në këtë episod të Puls Pop do të trajtohet pikërisht kjo temë. Shumë të rinj zgjedhin të largohen për një jetë më të mirë, ndërsa të tjerë qëndrojnë me shpresën se gjërat do të ndryshojnë.
Çfarë mendojnë qytetarët? Për gazetaren Sedjana Huna, disa e shohin si të vetmen mundësi: “Këtu nuk ka punë, nuk ka të ardhme. Të rinjtë ikin sepse nuk kanë zgjidhje tjetër.”
Të tjerë ndihen të zhgënjyer nga politika dhe ekonomia: “Shteti nuk ofron asgjë, ndaj është normale që rinia largohet. Kush ka mundësi, ikën.”
Ka edhe nga ata që besojnë në një të ardhme më të mirë në Shqipëri: “Në vend që të ikim, duhet të mundohemi ta ndryshojmë vendin tonë. Jo gjithçka është më mirë jashtë.”
Prindërit ndihen të shqetësuar: “Është e dhimbshme kur fëmijët tanë largohen. Ne i rrisim këtu, por përfundimisht ata ndërtojnë jetën gjetkë.”
