Në zgjedhjet e ardhshme do të garojnë plot 53 parti, një numër rekord që ka ngjallur diskutime të shumta. 31 parti janë ndarë në 3 koalicione, ndërsa 22 të tjera do të garojnë të vetme. Partia Demokratike ka zgjedhur të formojë një koalicion me 25 parti të tjera, ndërsa Partia Socialiste ka vendosur të hyjë në garë e vetme. Nga ana tjetër, Lulzim Basha dhe Agron Shehaj dikur pjesë e PD-së kanë vendosur të kandidojnë më vete.
Por si e shohin qytetarët këtë numër të lartë partish në garë? A e shohin si një mundësi për më shumë zgjedhje apo si një fragmentim të skenës politike? Në episodin e PULS POP në Fax News me gazetaren Sedjana Huna, qytetarët ndajnë mendimet e tyre për këtë realitet politik. Disa e shohin si një pasqyrë të demokracisë, të tjerë si një përçarje të panevojshme që mund të sjellë më shumë konfuzion sesa zgjedhje të qarta.
Discussion about this post