Mbeten pa punë tregtarët e “Orizit”, flasin pas takimit me zv. kryetarin e bashkisë: Ja çfarë na tha!

Pas insistimit për tu takuar me përfaqësues të bashkisë në Vlorë, tregtarët e “ Tregut Orizit” janë takuar me zv. kryetarin e bashkisë.

Sipas tyre ai ka thëne se tregu nuk do të hapet dhe se ishte planifikuar që të mbyllej. Tregtarët tashmë kanë mbetur pa rrugë zgjidhje, ndërkohë që bashkia u ka thënë se do të shohin për një vend të përshtatshëm, por pa vendosur një afat se kur mund të marrin zgjidhje.

“Zv.Kryetari i bashkisë na tha se nuk hapet tregu. Ka qenë e planifikuar dhe u mbyll. Erdhi pa asnjë lajmërim. Ne nuk kemi zgjidhje ne jemi popull i thjeshtë. E kemi paguar taksën deri në fund të qershorit. Mallin e kemi hedhur.

Ai tha jemi duke parë se ku mund të gjejmë një vend të përshtatshëm. I thashë sa do të presim. Ne do të protestojmë. Puna jonë ajo është. Nuk kemi shpresë. Nuk është lufta Covid-19, por gjetën rastin sepse e kishin planifikuar. Gjeni një vend na thanë, i bie të jemi pa punë.”- tha një tregtar.