Paraditen e nesërme, presidenti Hashim Thaçi do të jetë i pranishëm në nisjen e punimeve të pikëkalimit të përhershëm kufitar, mes Kosovës dhe Serbisë.
Vënia e gurthemelit të ndërtimit në Merdarë, do të bëhet në orën 11:00, ku do jenë të pranishëm edhe krerë shtetërorë, ministra, si edhe përfaqësues të tjerë të institucioneve kombëtare dhe ndërkombëtare.
Në kuadër të projektit të gjerë të Menaxhimit të Integruar të Kufirit (IBM) mes Kosovës dhe Serbisë do të ndërtohen 6 pikëkalime kufitare, por ky i nesërmi është i pari që do të nisë nga punimet.
Projekti në fjalë parashikohet në kuadër të dialogut të Brukselit, midis dy shteteve. (D.D/Shuplaka)
