Autoriteti Rrugor Shqiptar jep njoftimin se kanë përfunduar punimet e tunelit për stabilizimin e rrëshqitjes në aksin Tunel–Elbasan, pjesë e aksit Tiranë-Elbasan dhe rruga tashmë është e aksesueshme për qytetarët.
Sipas ARRSH-së, tuneli tashmë është i aksesueshëm nga drejtuesit e mjeteve dhe do të pasohet me ndërhyrjet me impakt mjedisor për rigjelbërimin e zonës.
Njoftimi i plotë:
Autoriteti Rrugor Shqiptar, njofton të gjithë përdoruesit e rrugës Tiranë-Elbasan se dje më datë 27 Prill 2019 kanë përfunduar punimet e tunelit për stabilizimin e rrëshqitjes në aksin Tunel–Elbasan km.17.36 ÷ 17.46, pjesë e aksit Tiranë–Elbasan, në respektim të plotë të afateve të përcaktuara në kontratë. Tuneli tashmë është i aksesueshëm nga drejtuesit e mjeteve dhe po tashmë pasojnë ndërhyrjet me impakt mjedisor për rigjelbërimin e zonës.
(F.GJ/FAXWEB.AL)
