Në kuadër të punimeve që po kryhen në kryeqytet, kryesisht në sheshin “Skënderbej”, do të merren disa masa për mbarëvajtjen e tyre.
Në një njoftim të fundit, Bashkia e Tiranës bën me dije qytetarët se prej ditës së nesërme, 17 dhjetor 2017, do të nisë devijimi i trafikut.
Mësohet se do të bllokohet segmenti përpara godinës së bashkisë, ndërsa segmenti tek godina e Partisë Socialiste do të shërbejë vetëm për automjetet dhe motorrët.
Sa i përket qarkullimit të autobusëve urbanë, edhe ai do të devijohet. Mësohet se transporti urban do të kalojë në “Myslym Shyri”.
Stacionimi i mjeteve të transportit urban:
Linja Nr.8 “Ish Stacioni i Trenit – Qendër – Sauk i Vjeter – Sauk i Ri – Senatorium – Teg – Qendër”; Linja Nr.5 “Ish Kombinati i Autotraktoreve”, Linja Nr.10 “Qendër – Mihal Grameno”, do të stacionohen në rrugën “George Ë. Bush” në fund të rrugës “Murat Toptani”.
Linja Nr.7 “Tufina”, Linja Nr.11 “Porcelani”, do të stacionohen në rrugën “Luigj Gurakuqi”, me itenerar Rruga e “Barrikadave” – “Rruga e Dibrës” – Segmenti pas “Pallatit të Kulturës” – “Rruga Luigj Gurakuqi
