Një ditë pasi punimet e projektit “Veliera” në Durrës, nxorrën në dritë rrënojat mijëravjecare të Perandorisë Osmane dhe një top venecian, reagon koordinatori i departamentit të artit edhe kulturës në Partinë Demokratike, Arben Skënderi.
Nëpërmjet një njoftimi zyrtar, Skënderi akuzon Institutin e Arkelogjisë dhe Agjencinë e Shërbimit Arkeologjik të Ministrisë së Kulturës, që kanë shkelur ligjin duke mos kryer detyrën që u takon, por kanë lejuar vijimin e punimeve në themelet e Torrës Veneciane në Durrës.
“Vazhdon betonizimi i nje zone arkeologjike ne zemer te Durresit, pa çka se ka dite qe shume aktore te jetes publike po ngrene alarmin… Pikerisht sot ne menyre evidente e te pa kundershtueshme dolen ne pah nga germimet e pa kontrolluara elemente mesjetar me shume vlera. Ende agjensia e sherbimit arkeologjik nuk ka vepruar.”, shkruan Skënderi.
Ndër të tjera Skënderi shton se Këshilli Kombëtar i Arkeologjisë duhej të kishte mbikqyrur gjithë situatën, që nga lançimi i projektit, gjë që nuk ka ndodhur.
“Ajo, qe ne momentet e para duhet te kish ndaluar menjehere punimet e ndertimit dhe te ngrinte grupin e specialisteve te cilet duhet te kryenin studimin e zones, dhe me pas mbi bazen e nje vendimi te qarte te Keshillit Kombetar te Arkeologjiqe do duhej te kishin mbikqyrur ne menyre te rrepte cdo lopate qe gerrmonte… Por jo, gjithe kjo nuk ka ndodhur, dhe askush nuk e di se sa beton eshte hedhur e se sa eshte demi aktual, cilat jane permasat e shkaterimit te deritanishem… Ne nje kohe qe burgjet jane mbushur me hallexhinj, askush nga pushtetaret nuk mban pergjegjesi per shkeljen e disa ligjeve njekohesisht. Mafia e betonit vazhdon te groposi perfundimisht identitetin tone, dhe turpi na ngelet te gjitheve ne…”, përfundon Skënderi. (D.D/Shuplaka)
[ngg_images source=”galleries” container_ids=”1066″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post