Vetëm 10 ditë më parë, një punonjës i rafinerisë në qytetin e Fierit, kërcënoi se do të hidhej nga oxhaku i ndërtesës në një lartësi prej 40-50 metra, pasi kishte 4 muaj pa marrë rrogën dhe nuk mund t’i përgjigjej kërkesave të katër fëmijëve të tij.
I biri i lutej “Babi zbrit poshtë” dhe vetëm pas disa orësh, u arrit të shmangej tragjedia. Por sikur të mos mjaftonte kjo, punëtorët e rafinerisë së Fierit vijojnë ende të përballen me mosdhënien e rrogave.
Ata kanë nisur mëngjesin e sotëm protestën përpara Prefekturës së Fierit, ku vihet re edhe prania e forcave të policisë.
“S’kemi marrë përgjigje ç’do të ndodhë me pagat tona. Kryeministri thotë “S’ka punëtorë të pasiguruar, por për 20 muaj ne kemi punuar në të zezë pa sigurime. Protestojmë pasi nuk kemi marrë pagat. Jemi pa bukë, të zhytur në borxhe.”, janë shprehur ndër të tjera ata teksa kërkojnë përgjigje nga shteti. (XH.A/SHUPLAKA)
